Тошкент шаҳрида 27 май куни «ВАЗ-2107» («Жигули») автомобили ёниб кетди. Бу ҳақда ЙҲХББ хабар бермоқда.
Ҳодиса соат 11:45 ларда «Жигули» автомобили Олмазор тумани Қорасарой–Нурафшон кўчаси бўйлаб, ТҲАЙ кўчаси томон ҳаракатланаётганида юз берган. 1988 йилда туғилган А.Ғ. бошқарувидаги машина 2-сонли туғруқхона қаршисига етган вақтида автомобилнинг двигатель қисмида ёнғин юзага келганлиги сабабли ҳайдовчи йўл четида тўхтаган.
Ҳайдовчи ва автомобиль салонидаги йўловчи зудлик билан транспорт воситасидан тушиб, хавфсиз ҳудудга ўтган. Ёнғин бартараф этилган.
Ёнғин натижасида тан жароҳати олганлар йўқ.
Мазкур ёнғин юзасидан ФВБ Олмазор тумани бўлими ва Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, 20 апрель куни Тошкент шаҳрининг Чилонзор туманида Damas, 30 апрель куни Қамчиқ довонида Volvo юк машинаси, 19 май куни Андижон вилоятининг Шаҳрихон туманида «Газель» ва Lacetti машиналари ёниб кетганди.
Изоҳ (0)