Қулупнайдан мазали ширинлик тайёрлаймиз

Крем ва қулупнайли мазкур ширинликни нонуштага ёки кечки овқатдан кейин десерт сифатида истеъмол қилиш мумкин.

Ширинлик учун қуйидаги маҳсулотлар керак бўлади:

• Қулупнай — 200 гр
• Ўсимлик ёғи — 70 мл
• Ун — 160 гр
• Сув — 200 мл
• Тухум — 2-3 дона
• Туз — бир чимдим
• Крем — 200 мл (исталган: қаймоқли, «заварной» ёки сутли кремдан ҳам фойдаланиш мумкин )

• Идишга ўсимлик ёғи, сув ва туз солиб қайнатинг.
• Қайнаб чиққанидан кейин ун қўшиб яхшилаб аралаштиринг.
• Тайёр аралашмани 20-30 дақиқа тиндиринг.
• Аралашмага тухумни алоҳида-алоҳида чақиб аралаштиринг.
• Қошиқ ёрдамида аралашмадан олиб, керакли миқдорда газ листига териб чиқинг.
• 200 даража қизиган печга 10 дақиқага қўйинг.
• 10 дақиқадан кейин печ иссиқлигини 180 даражага тўғирлаб, яна 15-20 дақиқага қўйинг.
• Тайёр бўлган хамирни ўртасидан бўлинг.
• Қулупнайни 3-4 бўлакка бўлинг.
• Маҳсулотларингизга яраша крем тайёрлаб олинг (Қаймоққа шакар ва ванилин қўшилган вариантни таклиф қиламиз).
• Хамирнинг бир бўлагига крем суртиб, қулупнай қўйинг ва иккинчи бўлак билан ёпинг.
• Ширинликларни шакар кукуни билан безанг.