Qulupnaydan mazali shirinlik tayyorlaymiz

Krem va qulupnayli mazkur shirinlikni nonushtaga yoki kechki ovqatdan keyin desert sifatida iste’mol qilish mumkin.

Shirinlik uchun quyidagi mahsulotlar kerak bo‘ladi:

• Qulupnay — 200 gr
• O‘simlik yog‘i — 70 ml
• Un — 160 gr
• Suv — 200 ml
• Tuxum — 2-3 dona
• Tuz — bir chimdim
• Krem — 200 ml (istalgan: qaymoqli, “zavarnoy” yoki sutli kremdan ham foydalanish mumkin )

• Idishga o‘simlik yog‘i, suv va tuz solib qaynating.
• Qaynab chiqqanidan keyin un qo‘shib yaxshilab aralashtiring.
• Tayyor aralashmani 20-30 daqiqa tindiring.
• Aralashmaga tuxumni alohida-alohida chaqib aralashtiring.
• Qoshiq yordamida aralashmadan olib, kerakli miqdorda gaz listiga terib chiqing.
• 200 daraja qizigan pechga 10 daqiqaga qo‘ying.
• 10 daqiqadan keyin pech issiqligini 180 darajaga to‘g‘irlab, yana 15-20 daqiqaga qo‘ying.
• Tayyor bo‘lgan xamirni o‘rtasidan bo‘ling.
• Qulupnayni 3-4 bo‘lakka bo‘ling.
• Mahsulotlaringizga yarasha krem tayyorlab oling (Qaymoqqa shakar va vanilin qo‘shilgan variantni taklif qilamiz).
• Xamirning bir bo‘lagiga krem surtib, qulupnay qo‘ying va ikkinchi bo‘lak bilan yoping.
• Shirinliklarni shakar kukuni bilan bezang.