26 май тонгидаги маълумотларга кўра, Россияда коронавирус инфекциясидан даволанишга муваффақ бўлган беморлар сони 131 129 кишида етди. Бу ҳақда мамлакатнинг Коронавирусга қарши кураш бўйича тезкор штаби маълумотларида келтирилган.
Маълумотларга кўра, ўтган бир сутка ичида яна 12 331 бемор коронавирусдан даволанган, жумладан, уларнинг 8033 нафари Москва ҳисобига тўғри келмоқда.
Шунингдек, ўтган бир сутка ичида Россияда яна 8915 кишида коронавирус аниқланган, уларнинг 2830 нафари — Москвада. Мамлакатда пандемия бошланганидан буён коронавирус инфекциясини юқтириб олганлар сони 362 342 кишига етди.
Ўтган бир сутка ичида 174 киши вирус қурбонига айланган. Шундай қилиб, Россияда янги турдаги коронавирусдан вафот этганлар сони 3807 кишига етди.
Таъкидланишича, ўтган бир сутка давомида коронавирусга 215 мингта тест ўтказилган. Пандемия бошланганидан буён ўтказилган тестлар сони 9,1 миллиондан ошди.
Аввалроқ Россияда COVID-19 беморларининг 153 нафари вафот этиб, ўлим бўйича суткалик антирекорд янгилангани ҳақида хабар берилганди.
Изоҳ (0)