Қозоғистонда ўтган бир сутка ичида 311 кишида коронавирус аниқланди. Бу ҳақда давлат комиссиясининг тезкор штабига таяниб, Tengrinews хабар берди.
Мамлакатда COVID-19 коронавирус инфекциясига чалинган жами беморлар сони 6751 кишига етган. Ҳозирга қадар 35 киши коронавирус қурбонига айланган бўлса, 3469 бемор даволанишга муваффақ бўлган.
Кунлик ўсиш 4,8 фоизни ташкил этмоқда. Касаллар сони вилоятлар кесимида қуйидагича тақсимланмоқда:
- Нур-Султон — 36 (2,9 фоиз);
- Чимкент — 31 (7,6 фоиз);
- Олмаота — 24 (1,3 фоиз);
- Костанай вилояти — 19 (24,1 фоиз);
- Туркистон вилояти — 18 (8,2 фоиз);
- Ақмўла вилояти — 8 (6,3 фоиз);
- Қарағанда вилояти — 13 (5,2 фоиз);
- Ғарбий Қозоғистон вилояти — 6 (1,9 фоиз);
- Қизилўрда вилояти — 4 (1,6 фоиз);
- Жамбил вилояти — 3 (1,5 фоиз);
- Олмаота вилояти — 3 (1,4 фоиз);
- Павлодар вилояти — 2 (1,2 фоиз);
- Манғистов вилояти — 1 (0,6 фоиз);
- Шимолий Қозоғистон вилояти — 1 (2,6 фоиз).
Қирғизистонда коронавирусга чалинганлар сони 1243 кишига етди. Бу ҳақда республиканинг COVID-19’га қарши курашиш бўйича штабига таяниб, «РИА Новости» хабар берди.
«19 май ҳолатига кўра, яна 27 кишида коронавирус аниқланди», — дейди штаб вакили. Унинг сўзларига кўра, касалликка чалинганларнинг икки нафари — тиббиёт ходимлари. Ўтган бир сутка ичида 71 киши соғайган.
Шундай қилиб, бутун мамлакат бўйлаб коронавирусга чалинганларнинг умумий сони 1243 кишига етди, уларнинг 257 нафари — тиббиёт ходимлари. Ҳозирга қадар 14 бемор коронавирус қурбонига айланган, 898 бемор даволанишга муваффақ бўлган.
Ўзбекистонда 19 май соат 10:00 ҳолатига кўра, коронавирусга чалинганлар сони 2802 нафарга етди. Мамлакатда коронавирус инфекцияси илк бор қайд этилганидан буён 2314 киши соғайди, инфекция асоратлари оқибатида 13 нафар бемор вафот этган.
Изоҳ (0)