Qozog‘istonda o‘tgan bir sutka ichida 311 kishida koronavirus aniqlandi. Bu haqda davlat komissiyasining tezkor shtabiga tayanib, Tengrinews xabar berdi.
Mamlakatda COVID-19 koronavirus infeksiyasiga chalingan jami bemorlar soni 6751 kishiga yetgan. Hozirga qadar 35 kishi koronavirus qurboniga aylangan bo‘lsa, 3469 bemor davolanishga muvaffaq bo‘lgan.
Kunlik o‘sish 4,8 foizni tashkil etmoqda. Kasallar soni viloyatlar kesimida quyidagicha taqsimlanmoqda:
- Nur-Sulton — 36 (2,9 foiz);
- Chimkent — 31 (7,6 foiz);
- Olmaota — 24 (1,3 foiz);
- Kostanay viloyati — 19 (24,1 foiz);
- Turkiston viloyati — 18 (8,2 foiz);
- Aqmo‘la viloyati — 8 (6,3 foiz);
- Qarag‘anda viloyati — 13 (5,2 foiz);
- G‘arbiy Qozog‘iston viloyati — 6 (1,9 foiz);
- Qizilo‘rda viloyati — 4 (1,6 foiz);
- Jambil viloyati — 3 (1,5 foiz);
- Olmaota viloyati — 3 (1,4 foiz);
- Pavlodar viloyati — 2 (1,2 foiz);
- Mang‘istov viloyati — 1 (0,6 foiz);
- Shimoliy Qozog‘iston viloyati — 1 (2,6 foiz).
Qirg‘izistonda koronavirusga chalinganlar soni 1243 kishiga yetdi. Bu haqda respublikaning COVID-19’ga qarshi kurashish bo‘yicha shtabiga tayanib, “RIA Novosti” xabar berdi.
“19-may holatiga ko‘ra, yana 27 kishida koronavirus aniqlandi”, — deydi shtab vakili. Uning so‘zlariga ko‘ra, kasallikka chalinganlarning ikki nafari — tibbiyot xodimlari. O‘tgan bir sutka ichida 71 kishi sog‘aygan.
Shunday qilib, butun mamlakat bo‘ylab koronavirusga chalinganlarning umumiy soni 1243 kishiga yetdi, ularning 257 nafari — tibbiyot xodimlari. Hozirga qadar 14 bemor koronavirus qurboniga aylangan, 898 bemor davolanishga muvaffaq bo‘lgan.
O‘zbekistonda 19-may soat 10:00 holatiga ko‘ra, koronavirusga chalinganlar soni 2802 nafarga yetdi. Mamlakatda koronavirus infeksiyasi ilk bor qayd etilganidan buyon 2314 kishi sog‘aydi, infeksiya asoratlari oqibatida 13 nafar bemor vafot etgan.
Izoh (0)