КХДР коронавирус тарқалишининг олдини олиш мақсадида хорижликлар учун жорий қилинган бир қатор чекловларни олиб ташлайди. Бу ҳақда Россиянинг Пхеньяндаги элчихонасига таяниб, «РИА Новости» хабар берди.
КХДР Ташқи ишлар вазирлиги томонидан йўлланган нотага кўра, хорижий фуқароларга Пхеньяндаги бир нечта савдо дўконига ташриф буюришга қайтадан рухсат этилган.
Россия элчихонасидан маълум қилинишича, мазкур чекловларнинг енгиллаштирилиши КХДР раҳбарияти томонидан мамлакатга янги турдаги коронавирус инфекцияси кириб келишининг олдини олиш бўйича амалга оширилаётган чора-тадбирларнинг самарадорлигини кўсатмоқда.
КХДР расмийларининг маълумотларига кўра, мазкур мамлакатда коронавирус билан касалланиш ҳолатлари мавжуд эмас.
Изоҳ (0)