Ҳиндистонда вазни 22 кг бўлган 85 ёшли аёл коронавирусдан тузалди

Ҳиндистонда вазни 20 килограммдан сал ошадиган 85 ёшли бемор коронавирусдан соғайиб, шифохонадан чиқди, деб ёзмоқда The Hindu.

Қайд этилишича, аёлга апрелнинг охирларида COVID-19 ташхиси қўйилган. Касаллик унда енгил шаклда ўтган. Шифокорларнинг буни кекса аёлда сурункали касалликлар бўлмагани билан изоҳлаган.

Беморни 12 кун давомида кузатган шифокорлар у соғайганидан сўнг уйига кетишига рухсат берган.

Аввалроқ 113 ёшли испаниялик аёл коронавирусдан тузалган энг кекса инсон бўлгани ҳақида хабар берилган эди. Россияда эса 100 ёшга тўлган аёл туғилган кунида коронавирусдан соғайди.

Бундан ташқари, 104 ёшли италиялик аёл коронавирусдан тузалгани, 107 ёшли нидерландиялик аёл коронавирусдан тузалган энг кекса бемор бўлгани хабар берилган эди. Шунингдек, Бразилияда 99 ёшли уруш фахрийси ҳам коронавирусдан тузалган.

Айни пайтда дунё бўйича коронавирус билан касалланганлар сони 4,5 миллиондан ошди, 304,8 минг киши COVID-19 асоратлари оқибатида ҳаётдан кўз юмган.