АҚШ президенти Дональд Трамп товушдан 17 баробар тезкор «супер-пупер» ракетани яратиш устида иш бошланганини маълум қилди, деб хабар беради «РИА Новости».
«Бизда ракета лойиҳаси бор, менга кеча айтишдики у биздаги мавжуд ракеталардан 17 баробарга тезроқ экан, шу сабабли уни ‘супер-пупер’ ракета деб атайман. Эшитган бўлсангиз, Россияда товушдан беш баробар тезроқ учадиган ракета бор, Хитой эса беш-олти баробар тезроғи устида иш олиб бормоқда. Бизда 17 баробар тезроқ учадиган ракета лойиҳаси бор ва у ҳозиргина рухсат олди», — дейди Трамп АҚШ Космик кучлари қўмондонлиги билан ўтказилган учрашувда.
2019 йилнинг декабрида NASA товушдан тез самолёт синовига тайёрланаётгани маълум бўлганди. 2018 йилда эса Россияда «дунёнинг бирор давлатида йўқ» товушдан тез, учувчисиз жанговар учиш қурилмаси ишлаб чиқилиши ҳақида хабарлар тарқалганди.
Изоҳ (0)