Россияда 16 май ҳолатига кўра, сўнгги суткада 119 киши коронавирусдан вафот этиб, қурбонлар сони 2 537 кишига етди. Бу ҳақда тезкор штаб маълумотларига таяниб, Meduza хабар берди. Бир кун аввал 113 киши вафот этгани маълум қилинганди.
Хабарда айтилишича, коронавирусга чалинганлар сони сўнгги суткада 9 200 нафарга ошди. Мамлакатда эпидемия бошланганидан буён қайд этилган касалланишлар сони эса 272 043 тага етди.
Янги касалланиш ҳолатларининг аксарияти Москвада (3 505 та), Москва вилоятида (937 та) ва Санкт-Петербургда (525 та) аниқланган.
Сўнгги суткада 4 940 киши, эпидемия бошланганидан буён эса жами 63 166 киши коронавирусдан соғайган.
Изоҳ (0)