BMW миллион километр йўл босган седанини намойиш этди (видео)

Inside BMW Group Classic сериясининг эпизодларидан бирида немис маркасининг классик автомобиллар бўлинмаси ходимлари бир миллион километрдан ортиқ масофа босган 1950 йилги BMW 501 седанини намойиш этди. Машинанинг олдинги эгаси уни BMW Classic коллекциясига топширган, орадан 40 йил ўтиб эса у тўлиқ реставрация қилинди, деб хабар беради Motor.

501 седани BMW’нинг урушдан кейинги илк модели ва Бавариядаги заводда йиғилган биринчи машина ҳисобланади. Юмалоқ шакли сабаб у «Барокко фариштаси» номини олган. BMW Classic коллекциясидан бўлган автомобиль 1955 йилда ишлаб чиқарилган ва унга V8 двигатель ўрнатилган. У 15 йил давомида Мюнхендаги таксомотор паркида ишлаган ва миллион километрдан ортиқ масофа босганидан сўнг компанияга қайтарилган. Айтишларича, машинанинг эгаси янги BMW 1500 топширилган.

V8 двигателли моделни ишлаб чиқариш 1954 йилдан 1962 йилга қадар давом этган бўлиб, у 5914 нусхада сотилган. Барча седанларга 96 от кучига эга 2,6 литрли двигатель ўрнатилган ва улар тўрт поғонали механик узатмалар қутиси билан бошқарилади.

1950—1960 йилларда 501-седани, асосан, полицияда хизмат қилган.