Тожикистонда бир сутка ичида коронавирусга чалиниш билан боғлиқ 106 та янги ҳолат қайд этилди ва касалланганларнинг умумий сони 907 нафарга етди. Бу ҳақда мамлакат Соғлиқни сақлаш вазирлигига таяниб, «РИА Новости» хабар қилди.
«Бир сутка давомида 106 нафар одам коронавирус инфекциясини юқтириб олди ва Тожикистонда касалланганларнинг умумий сони 907 нафарга, COVID-19 оқибатида вафот этганлар сони эса 29 нафарга етди», — дея агентликка маълумот берган Соғлиқни сақлаш вазирлиги вакили.
Унинг сўзларига кўра, жами 4299 нафар киши шифокорлар назорати остига олинган ва 403 нафар беморнинг касалхоналардан уйга кетишига рухсат берилган.
Мавзуга доир:
Жаҳон соғлиқни сақлаш ташкилоти 11 март куни янги турдаги COVID-19 коронавирус инфекциясининг бутун дунёда тарқалиши пандемия даражасига етганини эълон қилган. ЖССТ берган маълумотларга асосан, дунёда 4,1 миллион нафардан кўпроқ одамда коронавирус инфекцияси кузатилган, 287 минг нафардан зиёд бемор касаллик оқибатида ҳаётдан кўз юмган.
Изоҳ (0)