Қозоғистонда коронавирусга чалиниш бўйича яна 154 та ҳолат қайд этилди, деб хабар беради Tengrinews.
Маълумотларга кўра, мамлакатда коронавирус билан касалланганларнинг жами сони 5571 кишига етган, ҳозирга қадар 2408 бемор даволанишга муваффақ бўлган. Беморларнинг 32 нафари COVID-19 қурбонига айланган. Таъкидланишича, касалликнинг ортиш суръати 2,8 фоизни ташкил этмоқда. Қуйида республиканинг вилоятларида коронавирус билан касалланиш ҳолатлари қайд этилган:
- Нур-Султон — 1148;
- Олмаота — 1678;
- Қизилўрда вилояти — 231;
- Атирау вилояти — 457;
- Қарағанда вилояти — 204;
- Ақмўла вилояти — 110;
- Олмаота вилояти — 190;
- Туркистон вилояти — 196;
- Жамбил вилояти — 199;
- Ақтўбе вилояти — 184;
- Шимолий Қозоғистон вилояти — 36;
- Чимкент — 250;
- Шарқий Қозоғистон вилояти — 55;
- Ғарбий Қозоғистон вилояти — 272;
- Павлодар вилояти — 155;
- Кўстанай вилояти — 68;
- Манғистов вилояти — 138 та ҳолат.
Мавзуга доир: Қозоғистонда аҳолига карантин сабаб кетма-кет иккинчи ой салкам 100 доллардан ёрдам пули тарқатилади
«14 май ҳолатига кўра, COVID-19 билан касалланиш бўйича яна 38 та ҳолат қайд этилди», — дейди республика тезкор штаб вакили.
Унинг сўзларига кўра, касалларнинг олти нафари — тиббиёт ходимлари. Ўтган бир сутка ичида 9 нафар беморга стационарлардан жавоб берилган. Қирғизистонда коронавирус билан касалланганларнинг жами сони 1082 кишига етган, уларнинг 247 нафари — тиббиёт ходимлари. Ҳозирга қадар 735 бемор соғайган, 12 киши вирус қурбонига айланган.
Эслатиб ўтамиз, 4 май куни Ўзбекистон Президенти Шавкат Мирзиёев Қирғизистон президенти Сўронбой Жээнбеков билан телефон орқали мулоқот қилиб, коронавирусга қарши курашдаги ҳамкорлик масалаларини муҳокама қилганди.
Изоҳ (0)