Коронавирус эпицентрига айланган Хитойнинг Ухань шаҳрида сўнгги суткада коронавирусга чалиниш бўйича 5 та янги ҳолат аниқланди. Бу ҳақда Хубэй провинцияси соғлиқни сақлаш комиссияси маълумотларига таяниб, «РБК» хабар берди.
Уханда 4 апрелдан буён янги касалланиш ҳолатлари қайд этилмаган эди. 26 апрель куни эса маҳаллий ҳукумат шаҳарда коронавирусга чалинган бирорта бемор қолмаганини маълум қилганди.
10 май куни эса 1 кишида коронавирус қайд этилди. Шундай қилиб, айни пайтда 6 киши коронавирусга чалинган.
Бутун эпидемия даври давомида Хубэй провинциясида коронавирусга чалиниш билан боғлиқ 68 134 та ҳолат (шундай 50 339 нафари Уханда) қайд этилган. Беморларнинг 63 616 нафари соғайган, 4 512 нафари вафот этган.
Хитойда умумий ҳисобда сўнгги сутка давомида 17 та касалланиш ҳолати аниқланди. Вафот этганлар қайд этилмади.
Изоҳ (0)