10 май, якшанба куни дунёнинг турли бурчакларида олинган энг қизиқарли суратлар жамланмасини тақдим этамиз.
Лондоннинг Хитроу аэропортидаги йўловчилар. Фото: Reuters
Шанхайдаги Disney боғи қайта очилишига ишчилар тайёргарлик кўрмоқда. Фото: Reuters
Ўзбекистон бош вазири Абдулла Арипов Қозоғистонда тошқиндан жабрланганларга қуриладиган уйларга пойдевор қўйишда иштирок этди. Фото: Қозоғистон бош вазири матбуот хизмати
Ливандаги қочоқлар лагерида ўйнаётган болалар. Фото: Reuters
Англиянинг Моркам шаҳрида Big Kid цирки ити сураткашни диққат билан кузатмоқда. Фото: The Guardian
Индонезиянинг Бандунг шаҳрида тиббиёт ходими коронавирус инфекциясига текшириш учун ёш қизнинг бурнидан намуна олмоқда. Фото: Shutterstock
Австралиянинг Мельбурн шаҳрида карантинга қарши намойиш иштирокчиси полиция томонидан қўлга олинди. Фото: EPA
Жанубий Кореянинг Сокчхо шаҳридаги Жукдо пляжидаги сёрфингчилар. Фото: AFP
Ливаннинг Бекаа водийсидаги суриялик қочоқлар лагерида катта ўлчамдаги оёқ кийим кийиб олган қизалоқ. Фото: Reuters
Грецияда қоя бўйлаб юқорига кўтарилаётган спортчи. Фото: EPA
Испаниянинг Гвадалахара шаҳрида ресторанини 11 май куни қайта очишга тайёрланаётган эркак. Испаниянинг айрим ҳудудларида карантин чекловлари енгиллаштирилди. Фото: Reuters
Британиянинг Борнмут аэропортига Хитойдан 125 мингта тиббиёт комбинезони олиб келинди. Самолёт бортида Британия соғлиқни сақлаш хизматига миннатдорчилик ёзуви туширилган. Фото: Getty Images
Қуддусда тарбиячи боғча болаларига қўлларни тўғри ювишни ўргатмоқда. Исроилда карантин енгиллаштирилиб, болалар боғчалари қайта очилмоқда. Фото: Reuters
Непал пойтахти Катмандуда бойўғли боласи девор орасидан қарамоқда. Фото: AFP
Индонезиянинг Банда-Ачех шаҳрида сувга тўлган кўчада стул устида ўтирган болакай. Тинимсиз ёғган ёмғир натижасида шаҳар кўчаларини сув босди. Фото: AFP
Гонконгдаги савдо марказида ҳукуматга қарши намойишлар ўтказилди. Фото: Reuters
Ҳиндистондаги умуммиллий карантин вақтида ишчи мигрантлар оиласи Деҳлидан Уттар-Прадешдаги қишлоғига қайтишга уриниб кўриш учун автобус станциясига йўл олди. Фото: AP Photo
Аввалги кунларнинг фотогалереялари:
Изоҳ (0)