Хитой бутун дунёда коронавирусга қарши олиб борилаётган кураш вақтидан унумли фойдаланиб қолмоқчи ва ҳарбий қудратини мустаҳкамлаган ҳолда ер юзига эгалик қилишга даъво қилиб, Жануби-Хитой денгизидаги нефть конларига эътибор қаратади. Бу ҳақда Daily Mail хабар берган.
Экспертларнинг фикрича, Хитой мунозарали ороллар ва маржон оролларни эгаллаб, нефть ва минерал конларини ишга тушириб, ушбу ҳудудларда ядро қуроллари ишлаб чиқаришни йўлга қўймоқчи.
Сунъий йўлдошдан олинган суратларда мамлакатнинг пандемия шароитида муайян ерларда ўз ҳарбий базаларини қургани маълум бўлган: Суби маржон ороллари, Беда ва Оловли хоч оролига ҳарбий инфратузилма, Вуди оролига аэродром, ракета ускунлари, қирувчи самолётлар ва радиолокация тизимлари жойлаштирилган.
Хитойнинг ушбу чора-тадбирларига АҚШ президенти Дональд Трамп тезда муносабат билдирган ва ҳудудга учта ҳарбий кема юборган. Хитой мудофаа вазири Вэй Фэнхэ АҚШ билан можара келиб чиқадиган бўлса, ХХРнинг рақибга муносиб қаршилик кўрсатишини маълум қилган.
Аввал Хитойнинг коронавирус пандемияси шароитида баҳсли вазиятдаги ҳудудларни эгаллаш юзасидан ҳаракат бошлагани маълум қилинган. Map World сервисидаги онлайн-хариталарда мамлакатга Ҳиндистоннинг Аруначал-Прадеш штатининг айрим ҳудудлари киргани акс этганди. Бундан ташқари 19 апрелда Спратли архипелаги ва Парасель оролларида (Хитойда Сиша ва Наньша дейилади) иккита маъмурий округ шакллантирилган ва улар Хайнань провинциясидаги Саньша шаҳрига бўйсунади. Саньша Хитой ҳукумати томонидан 2012 йилда ташкил қилинган ва бундан кўзланган мақсад оролни ўз бўйсинувига олиш эди.Жануби-Хитой денгизидаги ороллар ХХР, Малайзия, Филиппин, Тайвань, Бруней ва Вьетнам ўртасидаги баҳс-мунозараларга сабаб бўлган. Айниқса, Скарборо маржон ороли ва Спратли архипелагидаги вазият анча чигал, сабаби ушбу ҳудудлар нефть ва газ захирасига бой. Жануби-Хитой денгизидан жаҳонда нефть савдосининг 40 фоиз трафики ўтади ва Хитой импорт қиладиган нефть ва газнинг 80 фоизи олиб келинади.
Изоҳ (0)