Коронавирус инфекцияси ва антитаналарга ўтказилган тестлар касалликнинг ҳар қандай босқичида хато натижаларни кўрсатиши мумкин. Бу ҳақда биология фанлари доктори, АҚШдаги GMU тизимли биология мактаби профессори Анча Баранова «РИА Новости»га маълум қилган.
Олимнинг сўзларига кўра, инфекцияни юқтириб олган одамда касалликнинг дастлабки босқичида COVID-19 белгилари кузатилмаса, вирус организмда кўпайиши ва интерферонлар ҳисобига инфекция босим остида қолиши мумкин. Бунда организм табиий равишда антитана шакллантирмасда вирусга қарши курашади, шу сабабли антитана таҳлили ҳам «манфий» бўлиши мумкин.
Иккинчи босқичда иситма кўтарилиб, йўтал ва бошқа белгилар намоён бўлгач организмда қўшимча ҳимоя ҳаракатлари амалга ошади, бемор эса вирусга қарши турли препаратлар қабул қилади. Энг ёмон ҳолатда касаллик енгиб ўтилмайди, вирус маҳв этилса ҳам пневмония бошқа омиллар ҳисобига ривожланишда давом этади. Коронавирусга топширилган ҳар бир тест эса «манфий» натижа кўрсатади, аммо ҳаммаси ортда қолмайди, учинчи босқич аввалги иккисидан ҳам оғир ўтади.
Баранова учинчи босқичда организм тўқималарининг назорат қилиб бўлмайдиган яллиғланиши бошланиши мумкинлигини таъкидлади. Ушбу ҳолатда бемор касалхонага ётқизилади ва сунъий нафас олдириш аппаратига уланади.
«Касалликдан тузалишнинг асосий омили — одам организмининг унга бардошлилиги», — деган россиялик олим.
Аввал «Росптребнадзор» Россияда 9 май ҳолатига кўра, коронавирус инфекциясини аниқлаш мақсадида 5,2 миллион лаборатор тадқиқот ўтказилганини маълум қилган.
Москва вице-мэри Анастасия Ракова пойтахтда коронавирус билан касалланганларни аниқлайдиган янги тест методидан фойдаланилаётганини билдирган. Тиббиёт ходимлари вена томиридан олинган қонда иммунофермент таҳлилини ўтказади.
Изоҳ (0)