Испанияда COVID-19 қурбонларининг сони охирги бир сутка ичида 123 кишигача камайди ва бу 10 майда қайд этилган натижадан 20 нафарга кам ва 18 мартдан (107 нафар бемор вафот этган) бери кузатилган энг кам ўлим ҳолатидир. Бу ҳақда Испания соғлиқни сақлаш вазирлигига таяниб «РИА Новости» хабар қилди.
Мамлакатда эпидемия бошланганидан буён вафот этганларнинг умумий сони 26 744 нафар етган, Испания бутун дунёда коронавирусдан қайд этилган ўлимлар сони бўйича АҚШ, Буюк Бритния ва Италиядан кейин 4-ўринда бормоқда.
Охирги 24 соат ичида 373 та касалланиш ҳолати қайд этилган, эпидемия бошланганидан бери полимер занжир реакцияси тести орқали 227 436 та касалланиш ҳолати рўйхатга олинган (испанлар бутун дунёда АҚШдан кейин 2-ўринда). Бир сутка давомида касалликдан тузалганлар сони яна уни юқтириб олганлар сонидан ошди ва 973 нафарни ташкил қилди. Мамлакатда касаллик тарқала бошлаганидан бери 137 минг нафар бемор касалликдан соғайган.
Испанияда касалланганлар сони кундан кунга қисқариб бормоқда, 11 май ҳолатига кўра, мамлакатда коронавирусдан даволанаётган беморлар сони 63,5 минг нафарни ташкил қилган.
Касалланганларнинг 48 320 нафари тиббиёт ходимлари, касаба уюшмалари берган маълумотга кўра 40 нафардан кўпроқ тиббиёт ходими касалликдан вафот этган.
10 май куни Испанияда бир сутка давомида 143 нафар бемор коронавирус оқибатида вафот этгани, 621 та касалланиш ҳолати кузатилгани ва 2214 нафар одам касалликдан тузалгани маълум қилинган.
Испания депутатлар конгресси юқори даражадаги сафарбарлик тартибини 24 майга қадар узайтирган. Мамлакат ҳукумати 28 апрелда 4 та босқичга эга карантиндан секин-аста чиқиш режасини эълон қилган. 11 майдан мамлакат аҳолисининг ярми истиқомат қиладиган қисмида карантин чекловларини юмшатиш бўйича режанинг биринчи босқичига ўтилган. Испания бош вазири Педро Санчес ҳаммаси ҳозиргидай бўлса июнь ойи охирида мамлакат одатий ҳаёт тарзига қайтиши мумкинлигини айтиб ўтган.
Изоҳ (0)