Эрон Ҳарбий-денгиз кучларига тегишли Jamaran фрегати ўқув машғулоти давомида хатолик сабаб ўзларига тегишли кемани ўққа тутди. Бу ҳақда Tasnim ахборот агентлиги сиёсат бўлими директори Маҳди Баҳтиари ўзининг Twitter’даги саҳифасига ёзиб қолдирган.
Унинг сўзларига кўра, фожиа Уммон кўрфазида содир бўлган. Фрегатдан учирилган кемаларга қарши ракета Konarak кўмак кемасига бориб урилган.
Таъкидланишича, мазкур ҳодиса оқибатида ўнлаб одам жароҳат олган, камида икки кишига ҳалок бўлган. Konarak кемасининг ўзи чўкиб кетган.
Эрон ҳарбийлари ушбу ҳолат юзасидан расмий маълумот бермаган.
«РИА Новости»нинг ёзишича, Jamaran 2010 йили сувга туширилган Moudge классининг асосий фрегати бўлиб, Эрон флотидаги энг замонавий фрегатлардан бири ҳисобланади. У Хитойда ишлаб чиқарилган кемаларга қарши ракеталар, торпедалар, шунингдек, бир неча қуроллар билан жиҳозланган. Экипаж аъзолари сони 140 кишини ташкил этади.
Изоҳ (0)