Бугунги синовли кунларда ҳам халқимиз ўзининг сахий ва жўмард халқ эканлигини яна бир бор исботлаб қўйди. Бугун имкони бор ҳар бир инсон талафот жойига ошиқиб, ҳар ким топганини шу жабрдийда халқ учун улашмоқда.
Ўзбекистондаги корхона ва ташкилотлар ҳам ўзларининг ҳимматларини аяшмаяпти. Синовли кунларда доим эл корига шай бўлиб турадиган «Ангрен шакар» МЧЖ ҳам сардобаликлар учун зарур бўлган кийим-кечаклар билан ёрдам қўлини чўзди.
«Ангрен шакар» МЧЖ раҳбарияти Сардобадаги жабрланганларнинг шароитини ўрганиб, айни дамда улар учун зарур бўлган буюмлар рўйхатини тузган ҳолда ҳозирлик кўришди. Яъни 500 кишилик кўрпа-тўшак жамланмаси, 300 кишига кийим-кечак (комплект) жамланмаси ва яна алоҳида 400 жуфт болалар оёқ кийимини хайрия тариқасида жўнатди.
Халқимиз бошига тушаётган бу кўнгилсиз ҳолатлар Яратганнинг бизга берган синовидир. Уни мардонавор енгиб ўтиш, олдимизда турган муаммоларни имкон қадар тезроқ ҳал этиш учун барча бирдек ҳаракат қилмоқда.
Энг муҳими, Президентимиз талафот рўй берган биринчи куннинг ўзидаёқ воқеа жойига етиб келиб, барча ишларни ўз назоратига олганлиги жабрланганлар учун катта мадад бўлди.
Реклама ҳуқуқи асосида.
Изоҳ (0)