5G тармоғи тизимини денгиз сатҳидан 6500 метр баландликдаги Эверест чўққисигача етказиш имконияти дунёга намойиш этилмоқда.
2020 йилнинг 30 апрель куни China Mobile ва Huawei компаниялари биргаликдаги саъй-ҳаракатлари натижаси ўлароқ 5G тармоқ тизимини янги юқори нуқтага ўрнатдилар. Тармоқ Эверест тоғининг тепасига ўрнатилди. Қурилиш ишлари якунига етганидан сўнг, ушбу тармоқ дунёдаги 6500 метр баландликда жойлашган энг баланд 5G тармоқ базаси бўлади. Huawei компанияси томонидан ишлаб чиқарилган 6500 метр баландликдаги гигабит оптик толали тармоқнинг ишга туширилиши China Mobile телекоммуникация компаниясига унинг янги ишланмаси — Эверест тоғидаги иккиталик гигабит интернет тармоғини ишга туширишга имкон беради.
2020 йилда 5G тармоғининг ўрнатилиши ва Эверест тоғининг интернет тармоғи билан қамраб олиниши Эверест тоғига шимолий қияликдан биринчи муваффақиятли кўтарилишининг 60 йиллиги ва Эверест тоғининг биринчи марта расмий равишда аниқ ўлчанганлигининг 45 йиллиги муносабати билан катта аҳамият касб этади.
Huawei ҳамкор мобил операторига Эверестда икки гигабайтли тармоқ қуриш бўйича ўзининг мажмуавий ечимларини таклиф қилди. Базавий станциялари «Маунт-Эверест» базавий лагерида 5300 метр баландликда, ўтиш лагерида 5800 метр баландликда, форвард (олдиндаги) лагерда эса 6500 метр баландликда қурилган. Ушбу базавий станцияларда Huawei 5G ААU ва SPN технологиялари қўлланилади, тармоққа техник хизмат кўрсатиш ва оптималлаштириш ишлари 24 соат давомида 5300 метр ва ундан юқори баландликда ишлайдиган тармоқ мутахассислари томонидан амалга оширилади. Уларнинг мақсади: бутун тармоқнинг узлуксиз ишлашини таъминлашдир.
Huawei 5G ААU ускунаси ихчам ва юқори даражада интеграциялашган бўлиб, бу уни дала шароитларида жойлаштириш ва ўрнатишни осонлаштиради. Бу, айниқса, Эверестда устунлик қилувчи экстремал шароитлардаги инфратузилмалар учун жуда мос келади. Лойиҳада «автономлик ва мустақиллик» режимлари, яъни «SA + NSA» қўлланилади. Бешта 5G базавий станциялари бир-бирига боғланган. Huawei компаниясининг Massive MIMO технологияси шарофати билан тезкор ва кучли 5G’ни улашга эришилади. Бунда юқори тезлик ва катта ўтказувчанлик имконияти таъминланади.
Huawei компаниясининг Massive MIMO технологик ускуналари юқори даражадаги ишончлилиги ва аъло даражадаги фазовий қопламга эгалиги билан ажралиб туради. Эгилувчан уч ўлчамли тор тўсинлари туфайли, технология айниқса Эверест тоғида вертикал ҳолатда яхши ишлайди. 5300 метр баландликда 5G тармоғидаги юклаб олиш тезлиги 1,66 Гбит / секунддан, маълумот узатиш тезлиги эса 215 Мбит / секунддан ошди.
Ишларнинг сифати ва тармоқларнинг узлуксизлиги Huawei компаниясининг Intelligent OptiX Network технологияси бўйича, реал вақтда юқори аниқликдаги видеотасвир узатишни ва жонли эфирни таъминлайдиган энг мақбул ечимлари билан кафолатланади. Шу билан бирга, 1 Гбит / сек юқори ва паст боғланишли корпоратив шлюзлар қўллаб-қувватланади. 5300 метр баландликда жойлашган Эверест тоғидаги базавий лагер тўлиқ 1,43 Гбит / сек тезликда қайд этилган тармоқ билан қопланган. Бу Гигабит ОНТ технологиясидан фойдаланиш туфайли амалга оширилади. Huawei 10G PON OLT платформаси ва 200Г ўта юқори тезликда узатиш маълумотлар узатиш тармоқларини оқилона бошқариши мумкин, бу эса оилаларга ва корхоналарга юқори баландликдаги ҳудудларда ўта юқори тезликдаги интернетдан фойдаланиш имкониятини беради.
Интеллектуал таъминот туфайли, HoloSens Huawei технологияси бўйича видеокузатув тизими оқим сифатини бир марта тугмани босиш орқали носозликларни аниқлаш ва оптималлаштириш қобилияти билан кафолатлайди. Шу ҳолда Эверест юқорисида, ҳатто 6500 метр баландликда ҳам интернет тармоқларининг узлуксиз ишлаши таъминланади.
Huawei компанияси фалсафаси – технология дунёни янада яхшироқ қилади деган қатъий ишончдир. Эверест тоғининг улуғвор гўзаллиги 5G юқори аниқликдаги видео ёрдамида намойиш этилади. Алпинистлар, олимлар ва бошқа табиацҳунос тадқиқотчилар ўзларининг табиат ҳақидаги ғояларини бойитадиган янги виртуал ҳақиқатга эга бўладилар. Эверест тоғида интернет тармоғининг инновацион ўрнатилиши 5G технологияси инсонни табиат билан уйғун тарзда бирлаштира олишини яна бир бор исботлайди.
Реклама ҳуқуқи асосида.
Изоҳ (0)