Ўзбекистонда 29 апрель соат 10:00 ҳолатига кўра, коронавирус инфекциясини юқтириб олганлар сони 16 кишига кўпайиб, 1955 нафарга етди, дея хабар бермоқда Соғлиқни сақлаш вазирлиги.
Мамлакатда коронавирусга чалинган беморлар сони сўнгги бор 28 апрель куни соат 14:00 ҳолатига кўра 15 нафарга ошиб, 1939 нафарга етган эди. Шундан бери беморлар сони ўзгаришсиз қолаётган эди.
Қайд этиш жоиз, 28 апрель куни Ўзбекистонда илк бор коронавирусдан соғайганлар сони (992 нафар) айни вақтда коронавирус инфекциясидан даволанаётганлар сонидан (939 нафар) ошиб кетди. 29 апрель соат 10:00 ҳолатида ҳам соғайганлар сони (ҳали ҳам 992 нафар) беморлар сонидан (955 нафар) кўпроқ.
Қайд этиш жоиз, Ўзбекистонда 15 мартдан буён коронавирусга чалинган беморларнинг саккиз нафари вафот этган.
Изоҳ (0)