27 апрель, душанба куни, дунёнинг турли бурчакларида олинган энг қизиқарли суратлар жамланмасини тақдим этамиз.
АҚШнинг Техас штатида коронавирус пандемияси пайтида ёпиқ пляжда чўмилган эркак қўлларини кўтариб, полицияга таслим бўлмоқда. Фото: Reuters
Шри-Ланканинг Коломбо шаҳрида рўза тутиб, уйининг томида ифторликни кутаётган болакай. Фото: Reuters
Хитойнинг Ханчжоу шаҳридаги боғда гуллаган ўсимликлар нақшлар ҳосил қилмоқда. Фото: Getty Images
Яманнинг Сана шаҳридаги Катта масжидда қизига Қуръон ўқиб бераётган эркак. Фото: Getty Images
Бельгиянинг Брюссель шаҳридаги қариялар уйидан қизига қараб турган 92 ёшли Марта Ликопп. Фото: Reuters
Ҳиндистоннинг Калкутта шаҳридаги уйсизлар бошпанасига пластик ёпинғич билан ёмғирдан ҳимояланиб кетаётган ота-бола. Фото: Reuters
Париж шаҳрида йўловчилар метро бекатидан чиқиб келмоқда. Фото: Reuters
Вьетнамнинг Ханой шаҳридаги Авлиё Иосиф собори олдида одамлар гуручнинг хайрия қилиниш вақтида навбат кутмоқда. Фото: Reuters
АҚШнинг Канзас штатидаги Клинтон сув омборида балиқ тутаётган одам. Балиқ тутиш ва ов қилиш ҳозирча ушбу штатда рухсат этилган. Фото: AP Photo
Германиянинг Лейпциг шаҳрида мамлакат мудофаа вазири Аннегрет Крамп-Карренбауэр (марказда) матбуот анжуманида саволларга жавоб бермоқда. Фондаги Ан-225 самолётида Хитойдан 8 миллион дона юз ниқоблари келтирилган. Фото: Reuters
Польшанинг Гданьск шаҳридаги PGE Arena Gdansk стадионида вақтинча ташкил этилган кўчма лабораторияда ишлаётган тиббиёт ходимлари. Фото: EPA
Лондонда Буюк Британия бош вазири Борис Жонсон коронавирусдан тузалиб чиққанидан сўнг илк иш кунида. Фото: AP Photo
Швециянинг Стокгольм шаҳрида қуёш нурларидан баҳра олаётган одамлар. Фото: Rex
Сингапур аҳолиси мамлакат тиббиёт ходимлари ва муҳожирларни қўллаб-қувватлаш мақсадида қўшиқ куйлаш учун балконларига чиқмоқда. Фото: Reuters
Хитойнинг Хубэй провинциясида ўрта мактаб ўқитувчиларидан нуклеин кислотасини тест қилиш учун намуна олаётган тиббиёт ходимлари. Фото: Reuters
АҚШнинг Жоржия штатида коронавирус туфайли ёпилган муассаса ва ресторанлар секин-секин очилаётган шароитда салонда ўтирган аёл. Фото: Reuters
АҚШнинг Вашингтон штатида аҳоли «уйда ўтириш» тартибига қарши намойишда. Фото: Reuters
АҚШнинг Техас штатида «уйда ўтириш» тартибига қарши намойиш. Фото: Reuters
АҚШнинг Висконсин штатида болалар «уйда ўтириш» тартибига қарши намойишда. Фото: Reuters
АҚШнинг Висконсин штатида «уйда ўтириш» тартибига қарши намойишда коронавирус макетини ушлаб олган эркак. Фото: Reuters
Италиянинг Рим шаҳридаги Виа дель Корсо кўчаси узра мамлакат байроғини акс эттираётган махсус ҳарбий самолётлар. Коронавирус туфайли ёпилган шаҳарнинг очилишини ифода этган хурсандчилик лаҳзалари. Фото: Reuters
Буюк Британиянинг Лондон шаҳрида жойлашган гольф майдонида машғулот ўтказаётган спортчи. Фото: Reuters
Аввалги кунларнинг фотогалереялари:
Изоҳ (0)