Қозоғистонда коронавирусга чалинганлар сони 2652 кишига, Қирғизистонда эса — 682 кишига етди

Қозоғистонда ўтган бир сутка ичида коронавирус билан касалланиш бўйича яна 51 ҳолат қайд этилиб, касалликка чалинганларнинг жами сони 2652 кишига етди, деб хабар беради Tengrinews.

Мамлакатда COVID-19 коронавирус инфекцияси тарқалиши бошланганидан буён 25 киши вирус қурбонига айланган, шунингдек, 646 бемор даволанишга муваффақ бўлган. COVID-19 билан касалланиш бўйича сўнгги ҳолатлар мамлакатнинг қуйидаги ҳудудларида қайд этилган:

• Нур-Султон — 8;
• Олмаота — 15;
• Чимкент — 1;
• Оқмўла вилояти — 1;
• Манғистов вилояти — 1;
• Туркистон вилояит — 1;
• Павлодар вилояит — 3;
• Ғарбий-Қозоғистон вилояти — 13;
• Жамбил вилояти — 1;
• Қизилўрда вилояти — 7 та ҳолат.

Қирғизистонда эса 26 апрель ҳолатига кўра, яна 17 кишида COVID-19 аниқланган. Бу ҳақда мамлакат соғлиқни сақлаш вазири ўринбосари Нурболот Усенбоевга таяниб, Akipress маълум қилди. Бутун мамлакат бўйлаб коронавирус билан касалланганлар сони 682 кишига етди. Коронавирус билан касалланиш бўйича сўнгги ҳолатлар мамлакатнинг қуйидаги ҳудудларида қайд этилган:

• Бишкек — 7;
• Норин вилояти — 2;
• Баткен вилояти — 2;
• Жалолобод вилояти — 2;
• Ўш вилояти — 2;
• Ўш шаҳри — 1;
• Чуй вилояти — 1 та ҳолат.

Аввалроқ Қирғизистонда коронавирус қурбонлари эса 8 кишига етгани ҳақида хабар берилганди.

Ўзбекистонда 26 апрель соат 10:00 ҳолатига кўра, коронавирус инфекциясини юқтириб олганлар сони 1865 нафарга етди. Мамлакатда 15 мартдан буён коронавирусга чалинган беморларнинг саккиз нафари вафот этди, 707 нафари эса соғайиб, реабилитацияга олинган.

Эслатиб ўтамиз, Марказий Осиё давлатлари орасида ҳозирга қадар Тожикистон ва Туркманистонда коронавирус билан касалланиш бўйича бирорта ҳам ҳолат расман эълон қилинмади. Жаҳон соғлиқни сақлаш ташкилоти экспертларидан иборат гуруҳ ушбу давлатларга ташриф буюриши ҳақида хабар берилганди.