Bugun,

  • USD 11095.31
  • RUB 173.84
  • EUR 10772.44

Jahon sog‘liqni saqlash tashkiloti ekspertlaridan iborat guruh kelasi haftada Tojikiston va Turkmanistonga tashrif buyuradi. Bu haqda “Kommersant” xabar tarqatgan.

Foto: “Currentime.tv”

Foto: “Currentime.tv”

COVID-19 koronavirusi bilan kasallanish holatlari Markaziy Osiyoning uchta davlati — O‘zbekiston, Qozog‘iston va Qirg‘izistonda qayd etilgan. Tojikiston va Turkmaniston hukumati esa o‘z hududlarida kasallik yo‘qligini ta’kidlamoqda. Ushbu ikki mamlakat Jons Hopkins universiteti xaritasida oq nuqtalar bilan belgilangan 11 ta davlat qatorida qayd etilmoqda. G‘arbda ushbu harakat axborotni yashirish ekanligi haqida ochiq gapirilmoqda. Rossiyada ham Tojikiston va Turkmaniston hukumatlarining bergan ma’lumotiga shubha bilan qaralmoqda, biroq bu borada fikr bildirilmagan.

Markaziy Osiyodagi JSST vakillari koronavirus infeksiyasiga test qilishda qayta tekshirish talab etiladigan vaziyatlar bo‘layotganini tan olgan, biroq ushbu davlatlar hukumatining shubhali harakati borasida rasmiy munosabat bildirmagan. JSST ekspert komissiyasi ikki mamlakatga tashrifidan so‘ng brifing o‘tkazadi va tahlil bo‘yicha vaziyat qanday ekani borasida rasmiy ma’lumot beradi.

23-aprel kuni Turkmaniston tashqi ishlar vaziri Rashid Meredev bayonot berib, mamlakatda COVID-19 bilan kasallanganlar yo‘qligini e’lon qilgan. Avvalroq Tojikiston prezidenti Emomali Rahmon ham ushbu kasallik davlat hududida qayd etilmaganini ta’kidlagandi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi