АҚШда ўтган бир сутка ичида коронавирус оқибатида 1995 киши вафот этди, яна 35 188 кишида вирус аниқланди. Бу ҳақда Жонс Ҳопкинс университети маълумотларида келтирилган.
Маълумотларга кўра, бутун мамлакат бўйлаб коронавирус билан касалланганлар сони 933 933 кишига етган, жами 53 449 киши вафот этган.
АҚШ коронавирус билан касалланганлар сони бўйича дунёда етакчилик қилмоқда. Ундан кейинги ўриндан Испания (223 759), Италия (195 251), Франция (159 957), Германия (156 418), Хитой (83 901) ҳамда Россия (74 588) жой олган. Бутун дунё бўйлаб COVID-19 коронавирус инфекциясига чалинганлар сони 2,9 миллион кишига яқинлашиб қолди, жами қурбонлар сони 202 минг кишидан ошган.
Америкалик олимларнинг сўзларига кўра, коронавирусга чалинганлар сони расмий рақамлардан ўн баравар кўп бўлиши мумкин. АҚШ Конгресси инқирозга қарши қарийб 500 миллиард долларлик ёрдам дастурини маъқуллаган.
Мавзуга доир:
Изоҳ (0)