Францияда коронавирус тарқалиши билан бир вақтга тўғри келиб қолган 1 мартдан 13 апрелгача бўлган вақт давомида ўлим даражаси 2019 йилнинг шу даврига нисбатан 25 фоизга ошди. Бу ҳақда Франция Миллий статистика ва иқтисодий тадқиқотлар институти (Insee) маълум қилди.
Статистик маълумотларига кўра, 2020 йилнинг ушбу даври мобайнида 93 839 киши, 2019 йилда 75 100, 2018 йилда эса 83 197 киши вафот этган бўлиб, ўлим даражаси мос равишда 25 ва 13 фоизга ошган.
Ҳудудлар кесими бўйича энг юқори ўлим даражаси Ил-де-Франс (91 фоиз), Франция шимоли-шарқидаги Гранд-Эст (61 фоиз), шунингдек, шарқий Бургундия-Франш-Конте (24 фоиз) ва шимолий О-де-Франс (23 фоиз)да қайд этилган.
Учта департаментда 1 мартдан 13 апрелгача бўлган вақт оралиғида ўлим даражаси 2019 йилга нисбатан икки баравар ошган: Юқори Рейн (144 фоиз), Сен-Сен-Дени ва О-де-Сен (128 фоиздан).
Мамлакат Соғлиқни сақлаш бош бошқармаси (DGS) маълумотларига кўра, 25 апрель ҳолати бўйича Францияда коронавирус қурбонлари сони 22,2 минг кишидан ошган. Дунё бўйича коронавирус қурбонлари сони эса 200 мингга яқинлашиб қолди.
Изоҳ (0)