Сўнгги бир суткада Россияда 5 642 киши коронавирусга чалингани аниқланди, деб хабар бермоқда «РБК» касалликка қарши кураш бўйича тезкор штабга таяниб.
Умумий ҳисобда Россиянинг касалликка чалинганлар сони 52 763 кишига етди.
Тезкор штаб берган маълумотларга кўра, сўнгги бир суткада мамлакатда 51 киши коронавирус сабабли вафот этган ва коронавирус қурбонларининг умумий сони 456 кишига етган. Ўлим ҳолатининг аксарияти (29 та) Москвада қайд этилган. Улар 31 ёшдан 94 ёшгача бўлган беморлар бўлган.
Россияда сутка давомида энг кўп ўлим ҳолати сўнгги марта 19 апрель куни кузатилганди. Унда 48 киши касалликдан вафот этганди.
Аввалроқ Россияда коронавирусга чалинганлар сони 47 минг кишидан ошгани, вафот этганлар сони эса 405 кишига етгани хабар берилган эди. Путин Россияда коронавирус ҳали ўз чўққисига етмаганини айтиб, коронавирусга қарши вакцинанинг давлат рўйхатидан ўтказилишини тезлаштиришни буюрган.
Изоҳ (0)