Хитой Соғлиқни сақлаш миллий комиссияси маълумотларига кўра, мамлакатда ўтган бир сутка ичида коронавирус билан касалланиш бўйича 11 та ҳолат аниқланди, 22 киши тузалди, вафот этганлар қайд этилмади.
Аниқланган 11 ҳолатнинг 4 тасида коронавирус четдан, қолган 7 та ҳолатда мамлакатнинг ўзида юқтирилган. Айни пайтда 811 киши касалланган, деб ҳисобланмоқда, улардан 44 нафарининг аҳволи оғир. Шунингдек, касалхоналарда яна 1003 нафар бемор қолмоқда, уларнинг 82 нафари оғир аҳволда. 37 кишида касаллик аломатларсиз кечмоқда.
Бугунги кунда Хитойда умумий ҳисобда 83 849 киши коронавирусга чалингани тасдиқланган, 4 636 киши вафот этган.
Мавзуга доир: Хитой Ухандаги коронавирус қурбонлари сонига аниқлик киритди: вафот этганлар сони 1290 кишига кўп бўлиб чиқди
Қайд этилишича, мамлакатда янги касалланишлар сонининг камайиши сабабли ҳукумат ижтимоий масофаланиш режимини енгиллаштирилган шаклда 5 майгача узайтирди. Истироҳат боғлари ва дам олиш масканлари қайта очиладиган бўлди, спорт, диний ва кўнгилочар муассасаларга ўз фаолиятини чекланган ҳолда давом эттиришга рухсат берилади.
Шу билан бирга, фуқаролардан ҳали ҳам гавжум жойларга бормаслик, уйдан заруратсиз чиқмаслик ва барча профилактик тадбирларга риоя қилиш талаб қилинмоқда.
Мамлакат Соғлиқни сақлаш вазирлиги ҳузуридаги Касалликлар назорати ва профилактикаси маркази (KCDC) маълумотларига кўра, Жанубий Кореяда коронавирусни аниқлаш бўйича 547 мингдан ортиқ тест ўтказилган. Коронавирусдан даволаниб, касалхонадан жавоб берилганидан кейин ҳам камида 181 киши организмида вирус борлиги аниқланган. KCDC вирус қайтадан аниқланишининг эҳтимолий сабабларини ўрганмоқда.
Изоҳ (0)