АҚШда коронавирусга чалиниш ҳолатлари сони 787 мингдан ошиб кетди. Бу ҳақда касаллик тарқалишини реал вақтда кузатаётган Жонс Ҳопкинс университети маълумотларида келтирилган.
Мамлакатда умумий ҳисобда 787 752 киши коронавирусга чалинган, 42 359 киши касалликдан вафот этган, 72 329 киши тузалган.
Касалланганларнинг ҳам, вафот этганларнинг ҳам энг кўпи Нью-Йорк штатига тўғри келмоқда. Бу ерда 253 195 кишида коронавирус борлиги тасдиқланган.
Аввалроқ Трамп АҚШда коронавирус қурбонлари қанчага етиши мумкинлиги тўғрисидаги прогнозига ўзгартириш киритиб, коронавируснинг энг юқори чўққиси ортда қолганини маълум қилганди. Шу билан бирга, президент коронавирус сабаб жорий этилган чекловларни босқичма-босқич бекор қилиш режаси билан бўлишган.
Америкалик олимлар эса коронавирусга чалинганлар сони расмий рақамлардан ўн баравар кўп бўлиши мумкинлигини аниқлаганди.
Изоҳ (0)