АҚШнинг ESPN телеканали футбол тарихидаги энг яхши эркин агент мақомидаги трансферлар рейтингини тузди.
Рейтингда 1995 йилдан кейинги ўтишлар инобатга олинган. Айнан ўша йили белгиялик адвокат Жан-Марк Босман шартнома тугаганига қарамай футболчисини қўйиб юборишни истамаган «Льеж»га қарши суд ишида ютиб чиққанди. Унга қадар ўйинчилар кўп ҳолларда ўзи истаса ҳам клубини тарк эта олмас эди.
ESPN 2014 йили «Боруссия Д»дан «Бавария»га сафига келиб қўшилган Роберт Левандовски трансферини биринчи ўринга лойиқ кўрди. Иккинчи ўринда 2011 йил «Милан»дан «Ювентус»га эркин агент мақомида ўтган Андреа Пирло қайд этилган бўлса, «Тоттенҳэм»дан «Арсенал» сафига ўтиб кетган Сол Кемпбелл трансфери кучли учликка якун ясаган.
Кучли ўнлик билан танишинг:
- Роберт Левандовски (2014 йилда «Боруссия Д»дан «Бавария»га)
- Андреа Пирло (2011 йилда «Милан»дан «Ювентус»га)
- Сол Кэмпбэлл (2001 йилда «Тоттенҳэм»дан «Арсенал»га)
- Луис Энрике (1996 йилда «Реал»дан «Барселона»га)
- Роберто Баджо (1997 йилда «Милан»дан «Болонья»га, 2000 йилда «Интер»дан «Брешия»га)
- Стив Макманаман (1998 йилда «Ливерпуль»дан «Реал»га)
- Руд Гуллит (1995 йилда «Сампдория»дан «Челси»га)
- Ҳенрик Ларссон (2004 йилда «Селтик»дан «Барселона»га)
- Жеймс Милнер (2015 йилда «Манчестер Сити»дан «Ливерпуль»га)
- Эстебан Камбьяссо (2004 йилда «Реал»дан «Интер»га, 2014 йилда «Интер»дан «Лестер»га)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)