ФИФА собиқ президенти Йозеф Блаттер ФИФА президентлиги ва футболдан четлатилиши воқеаларини ёдга олди.
— АҚШ ЖЧ—2018 ва ЖЧ—2022 мусобақаларининг мезбонлигини аниқлашда коррупцияга йўл қўйилгани борасидаги ишларни қайта кўтараётганига қандай қарайсиз?
— Хабарингиз бор, бу масала бўйича ўтган галги суд мажлисларида гувоҳ сифатида қатнашганман, шу сабаб бундан ҳайрон қолмадим. Россиядаги Жаҳон Чемпионатини 2018 йилда ўтиб кетганини инобатга олиб айтсак, бу масалага қайтиш вақти эмас деб ҳисоблайман. Нимага якунланиб бўлган чемпионатга ҳужум қиласиз?
Қайд этиш жоиз, АҚШ чемпионат Россияда ўтишига қаттиқ қаршилик билдирган ва Қатардаги мусобақага у қадар кучли тўсқинлик қилмаган. Улар 2014—2015 йиллардан, Цюрихдаги ФИФА конгрессига келган пайтдан бошлаб Россия вариантига қарши чиқа бошлаган. Ҳозирда АҚШга боғлиқ ҳеч нарса мени ажаблантирмай қўйган.
— Колосковнинг (Россия футбол иттифоқи собиқ президенти) фикрича, сизни Россияга қарши чиқмаганингиз учун футболдан четлатишган. Бунга қандай қарайсиз?
— Дўстим Вячеславга шуни айтишим керак, бу умуман нотўғри. Мен Россия сабаб футболдан четлатилганим йўқ. Биз ФИФА президентлиги лавозимини эгаллашни истаётган Платинини тўхтатмоқчи бўлдик. Мен бу лавозимга шунчаки келиб қолмаганман, балки 2019 йилга қадар сайланганман. Россиянинг бунга ҳеч қандай алоқаси йўқ, у адашяпти, — дейди Блаттер.
Эслатиб ўтамиз, швейцариялик функционер 2015 йилда коррупцияда айбланиб ФИФА президентлигидан олинган ва саккиз йил муддатга футболга оид ҳар қандай фаолиятдан четлатилганди. 2016 йилда ФИФА апелляция қўмитаси ушбу муддатни олти йилга қисқартирган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)