Коронавирус пандемияси сабаб дунё бўйлаб деярли барча спорт мусобақалари тўхтатилди. Шу жумладан, футбол бўйича мусобақалар ҳам. «Дарё» мухлисларнинг талаб ва таклифларини инобатга олган ҳолда турли мусобақаларда урилган энг сара голларни тақдим этиб боради. Ушбу лойиҳанинг навбатдаги сонида «Барселона» клубининг Ла Лига доирасида 2019 йилдаги энг чиройли голлари тақдим этилади. Голлар рейтинги beIN Sports талқинига кўра тузиб чиқилган.
5-ўрин. Лионель Месси | «Барселона»—«Мальорка» 5:2
«Барселона» ўз мухлислари қаршисида ҳақиқий шоуни ташкиллаштириб берганди. Агар голлар ўнлиги тузилганида «Барса»нинг ушбу баҳсдаги барча голи ундан ўрин олган бўларди. Месси жарима майдони ташқарисида тўпни қабул қилиб олади ва ўз услубида уни дарвозага жойлаб қўяди.4-ўрин. Луис Суарес | «Бетис»—«Барселона» 1:4
2018/19 йилги мавсум биринчи даврасида ўз майдонида ютқазиб қўйган каталон клуби мазкур баҳсга ўзига хос аламзадалик билан етиб келади ва йирик ҳисобдаги ғалабани қўлга киритади. Луис Суареснинг бир ўзи «Бетис» ҳимоясини ёриб ўтиб осонлик билан учинчи голни урганди.3-ўрин. Лионель Месси | «Бетис»—«Барселона» 1:4
Шу ўйиндаги яна бир гол кучли бешликка кирди. Мессининг заргарона зарбаси орқали киритилган ушбу гол ФИФА талқинига кўра йилнинг энг яхши гол номига даъвогарлик қилганди. Бироқ мазкур рейтингда у фақат учинчи ўриндан жой олди.2-ўрин. Луис Суарес | «Барселона»—«Севилья» 4:0
Суарес учрашувдаги илк голни «қайчи» услубида киритганди. Кейинчалик Хулен Лопетеги шогирдлари ўз дарвозасидан яна учта тўп олиб чиқади, «Барселона» эса учрашувни 9 футболчи билан якунлайди.1-ўрин. Луис Суарес | «Барселона»—«Мальорка» 5:2
Суаресдан яна бир шедевр! Френки де Йонгдан тўпни қабул қилиб олган уругвайлик футболчи антиқа усулда товони билан зарба берган ҳолда чиройли голга муаллиф бўлади. Мазкур шедевр ва Сон Ҳён Мин ижросидаги супер гол 7 декабрь оқшомининг ҳақиқий безагига айланганди. Бу голлар ҳали кўплаб рейтингларда етакчилик қилса керак...Мавзуга доир:
- Гейнрихнинг ўзгача селфиси ҳамда самога қаратилган қўллар. Ўзбекистон терма жамоасининг ЖЧ—2018 3-саралаш босқичидаги барча голлари битта саҳифада (видео)
- Равшан Эрматов ҳакамлик қилган ЖЧ—2010 мусобақасидаги энг чиройли 10 та гол (видео)
- Оддий гол уришни билмайдиган Златан Ибрагимович фаолиятидаги энг чиройли 10 та гол (видео)
- Ван Персининг парвози, Хамес Родригеснинг шедеврлари билан эсда қолган ЖЧ—2014 даги энг чиройли 10 та гол (видео)
- Инглизча «пушка», Зиданча закийлик ва бетакрор Златан. 2018/19 йилги мавсумнинг энг чиройли ўнта голи битта саҳифада
- Немисча аниқлик, португалча дид. ЖЧ—2018 мусобақасида киритилган энг чиройли 10 та гол (видео)
- Видео: Лионель Мессининг Чемпионлар Лигасида урган энг чиройли 10 та голи битта саҳифада
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)