Ford Mustang модели кетма-кет бешинчи йил дунёдаги энг машҳур спорткарга айланмоқда, деб хабар беради Motor.
IHS Markit таҳлил агентлигининг маълумотларига кўра, 2019 йилда давомида Ford Mustang 102 090 нусхада ишлаб чиқарилган: ушбу вақт давомида Германияда савдолар 33 фоизга, Польшада 50 фоизга, Францияда эса икки баробарга ўсган.
Ўзининг 56 йиллигини нишонлаш арафасида Ford Mustang иккита мукофотни қўлга киритди: спорткар ўз йўналиши бўйича 2019 йилда дунёнинг энг харидоргир автомобилига айланди ва ўз ҳисобига кетма-кет бешичи ғалабани ёзиб қўйди. Бундан ташқари, Mustang 50 йилдан буён Америкадаги энг машҳур модель деб ҳисобланмоқда. Бугунги кунга келиб Ford 12 турдаги поникарни тақдим этмоқда — 2,3 литрли моторга эга Mustang EcoBoostдан тортиб, Carbon Fiber Track Pack пакетига эга Mustang Shelby GТ500’га қадар.
Базавий Mustang 290-314 от кучига эга 2,3 литрли «турботўртлик» ёрдамида ҳаракатга келади. Mustang GТ ва Bullit моделларига 450-466 от кучига эга 5,0 литрли V8 двигателлари ўрнатилган. Shelby’га эса 700 от кучига эга 5,2 литрли атмосфера ва компрессорли V8 ўрнатилган.
Компрессорли Ford Mustang Shelby GТ500 етти поғонали Тremеc роботи ҳамда иккита муфта билан жиҳозланган бўлиб, 100 мил/соат тезликка (161 км/соат) чиқиш ва тўхташи учун 10,6 сония етади. Таққослаш учун, Bugatti Veyron ушбу машқни 9,9 сонияда бажара олади.
Изоҳ (0)