Ford Mustang modeli ketma-ket beshinchi yil dunyodagi eng mashhur sportkarga aylanmoqda, deb xabar beradi Motor.
IHS Markit tahlil agentligining ma’lumotlariga ko‘ra, 2019-yilda davomida Ford Mustang 102 090 nusxada ishlab chiqarilgan: ushbu vaqt davomida Germaniyada savdolar 33 foizga, Polshada 50 foizga, Fransiyada esa ikki barobarga o‘sgan.
O‘zining 56 yilligini nishonlash arafasida Ford Mustang ikkita mukofotni qo‘lga kiritdi: sportkar o‘z yo‘nalishi bo‘yicha 2019-yilda dunyoning eng xaridorgir avtomobiliga aylandi va o‘z hisobiga ketma-ket beshichi g‘alabani yozib qo‘ydi. Bundan tashqari, Mustang 50 yildan buyon Amerikadagi eng mashhur model deb hisoblanmoqda. Bugungi kunga kelib Ford 12 turdagi ponikarni taqdim etmoqda — 2,3 litrli motorga ega Mustang EcoBoost’dan tortib, Carbon Fiber Track Pack paketiga ega Mustang Shelby GT500’ga qadar.
Bazaviy Mustang 290-314 ot kuchiga ega 2,3 litrli “turboto‘rtlik” yordamida harakatga keladi. Mustang GT va Bullit modellariga 450-466 ot kuchiga ega 5,0 litrli V8 dvigatellari o‘rnatilgan. Shelby’ga esa 700 ot kuchiga ega 5,2 litrli atmosfera va kompressorli V8 o‘rnatilgan.
Kompressorli Ford Mustang Shelby GT500 yetti pog‘onali Tremec roboti hamda ikkita mufta bilan jihozlangan bo‘lib, 100 mil/soat tezlikka (161 km/soat) chiqish va to‘xtashi uchun 10,6 soniya yetadi. Taqqoslash uchun, Bugatti Veyron ushbu mashqni 9,9 soniyada bajara oladi.
Izoh (0)