Калифорния штатининг Сан-Рафаэл шаҳрида маст ҳайдовчи ўзининг Ford Mustang’ида уйлардан бирига урилиб, уй эгасининг Toyota RАV4 машинасида воқеа жойидан яширинишга уринди. Бу вақт ичида у ўзганинг хусусий мулкига уч маротага шикаст етказишга улгурган, деб хабар беради Motor.
Биринчи зарбани ёпиқ гаражга кириш жойидаги тўсиқ «қабул қилиб олган». Тахминларга кўра, ҳайдовчи Mustang бошқарувини йўқотган ва тўсиқни ёриб ўтган. Машинани ортга ҳайдаш ўрнига у олдинга ҳаракатланиб, деворга урилган бу — иккинчи зарба.
Шовқинни эшитиб ташқарига чиққан уй эгаси Mustang ҳайдовчиси спиртли ичимлик ёки гиёҳванд модда таъсирида эканлигини кўрган. Эркакдан машина калитларини олиб қўйиб, полицияга қўнғироқ қилган. Бироқ жиноятчи ҳуқуқ-тартибот органлари ходимларини жимгина кутиб ўтиришни истамаган — у уй эгасига тегишли Toyota RАV4 машинасининг калитини ўғирлаб, қочишга уринган. Бироқ у педалларни яна чалкаштириб юборгани сабаб орқага ҳаракатланиш ўрнига уй деворига урилган. Бу учинчи зарба ҳисобланади.
Уй эгаси яна калитни олиб қўйган, ҳайдовчи эса уни калтаклаган. Бу вақтда воқеа жойига етиб келган полиция эркакни қўлга олган. Маст ҳайдовчига нисбатан бир қатор айбловлар эълон қилинган: ЙТҲ жойидан қочишга уриниш, ўзганинг шахсий мулкигига зарар етказиш ва калтаклаш.
Изоҳ (0)