17 апрель, жума куни, АОКА ҳузурида ташкил этилган штабдаги брифингда Ўзбекистон Республикаси Ички ишлар вазирлиги матбуот котиби Шоҳрух Ғиёсов махсус стикери мавжуд бўлган транспорт воситалари эгаларига тааллуқли ҳолатлар юзасидан тушунтириш берди. Бу ҳақда «Дарё» мухбири хабар бермоқда.
Маълумки, ҳукумат махсус комиссиясининг навбатдаги 18-сонли баёни эълон қилиниб, унда айрим тоифадаги автотранспорт воситаларининг ҳаракатланишига енгиллик яратиб берилган. Бироқ айрим фуқаролар томонидан баённома талабларини нотўғри талқин қилиш натижасида тушунмовчиликлар юзага келаётгани айтиб ўтилди.
Жумладан, Тошкент шаҳри, Юнусобод туманида яшовчи фуқаро Ортиқов Алишер автомобилда ҳаракатланиши учун стикери бўлган ҳолатда ҳам ЙПХ ходимлари автомашинасини қоидабузарлик қайд этиб, жарима майдончасига қўйгани масаласига шундай изоҳ берди:
«Биз бу масалага ойдинлик киритдик, шу фуқаро мисолида, махсус стикери мавжуд бўлган барча автотранспорт ҳайдовчиларига мурожаат этмоқчиман. Юнусобод туманида яшовчи фуқаро Ортиқов Алишернинг Lacetti русумли автотранспорт воситасининг техник кўрик муддати 10 апрелда ўтган бўлганлиги учун 16 апрель куни ЙПХ ходими Шарофов томонидан баённома расмийлаштирилиб, транспорт жарима майдонига қўйилган. Шунинг учун билиб қўйинг, стикер сизга карантин даврида ҳаракатланиш ҳуқуқини беради, лекин барча ҳужжатларингиз жойида ва тўлиқ бўлиши керак», — дейди Шоҳрух Ғиёсов.
Мавзуга доир:
- Ўзбекистонда «бир-икки кун ичида» шахсий автомобилдан фойдаланиш тартиби енгиллаштирилиши мумкин
- Ўзбекистонда такси лицензиясига эга автомобилларга «доставка» учун стикер талаб этилмайдиган бўлди
- ИИВ вакили карантин вақтида жарима майдончасига тушган автомобиллар учун автотураргоҳнинг кунлик тўлови ундирилишини маълум қилди
- Адлия вазирлиги автомашинани стикерсиз бошқарганлик учун жаримани тўлаш бўйича одамларни қизиқтирган саволга жавоб берди
Изоҳ (0)