«Ўзбекистон темир йўллари» совутгичли (рефрижераторли) вагонлар ташуви учун 75 фоизгача чегирмалар тақдим этилмоқда. Бу ҳақда 16 апрель куни АОКАда бўлиб ўтган брифингда маълум қилинди.
Брифингда маъруза қилган «Ўзбекистон темир йўллари» АЖ бошқарма бошлиғи Умидилла Ибрагимовнинг таъкидлашича, мева-сабзавотлар, гўшт маҳсулотлари каби тез бузиладиган юклар экспорти учун мўлжалланган совутгичли (рефрижераторли) вагонлар мавжуд.
Бир вагон сиғими 45 тоннага етади. Рефрижераторли вагонларда ташилаётган юк ҳажмини ошириш ва амалдаги мураккаб вазиятни инобатга олган ҳолда, ҳозирда фақатгина рефрижераторли вагонлар ташуви учун 75 фоизгача чегирмалар тақдим этилмоқда.Шунингдек, экспорт-импорт ташувлар нафақат темир йўл орқали балки темир йўл ва кема орқали, Транс-Кавказ коридори бўйича мултимодал усулда ҳам амалга оширилмоқда. Бу усулда юклар асосан Қозоғистоннинг Ақтау сўнг Озарбайжоннинг Боку порти орқали Грузия ва Туркияга етказиб берилмоқда.
Темир йўл орқали ташилаётгон экспорт ҳажми 1-чоракда ўтган йилнинг мос даврига нисбатан 12 фоизга ошди ва 2,3 миллион тоннага этди. Импорт ҳажми ҳам 1-чоракда ўтган йилнинг мос даврига нисбатан 5,6 фоизга ўсиб, йил якунига қадар 13 миллион тоннага етиши кутилмоқда.
Умидилла Ибрагимов, «Ўзбекистон темир йўллари» АЖ бошқарма бошлиғи
Шунингдек, брифингда Туркманистон, Озарбайжон, Грузия ва Туркия темир йўл маъмуриятлари билан келишув доирасида Ўзбекистон–Туркия контейнер ташувлари қатнови йўлга қўйилгани ҳақида маълумот берилди.
«Бу йўналишда 1 апрель куни юборилган биринчи контейнер поезди 13 апрель куни Туркия етиб борган. Бунда 20 футлик ва 40 футлик контейнерлар учун ўртача ташув нархлари мос равишда 2 300 ва 3 000 АҚШ долларини ташкил қилмоқда», — деди Ибрагимов.Унинг қўшимча қилишича, шу йўналишда, контейнер экспорти тез ва сифатли бўлиб, айниқса тўқимачилик маҳсулотлари учун сўровнинг кескин ортиши кутилмоқда.
Изоҳ (0)