Интернетда АҚШ ҳудудидаги улкан омборда жойлашган автомобиллар коллекциясининг видеоси пайдо бўлди. Омбор манзили ва унинг эгаси ким эканлиги сир сақланмоқда. Бироқ гаражлардан бирига AMMO NYC фирмаси киришга муваффақ бўлиб, 300 дан ортиқ ноёб автомобилларни тасвирга олди.
Машиналар 30 йилдан буён бир жойда турибди. Айримлари ўзига хос тарихга эга: масалан, Porsche 911, Lamborghini LМ002 ва Ferrari 308 тахминларга кўра, Голливуд актёри Николас Кейжга тегишли бўлган. Яна бир Мorgan моделини 1986 йили экран юзини кўрган «Феррис Бюллернинг дам олиш куни» комедиясида учратиш мумкин. Шунингдек, гараждан қиймати миллион доллар турадиган Bizzarrini P538 ҳам ўрин олган.
Видеода Rolls-Royce, Ferrari, Lamborghini ва Porsche’нинг бошқа автомобилларини ҳам кўриш мумкин, бироқ ҳали уларни ўрганиб чиқиш талаб этилади. Гараждан турли даврларга оид моделлар, эски хотродлар, скутерлар ва пойга машиналари ҳам ўрин олган.
AMMO NYC коллекцияни ўрганишда давом этмоқда, шундан кейин машиналар кимошди савдосига қўйилиши мумкин.
Изоҳ (0)