Ўзбекистонда карантин даврида шахсий автомобилдан фойдаланиш тартиби енгиллаштирилиши мумкин. Бу ҳақда Ўзбекистон бош вазири ўринбосари Жамшид Қўчқоров 15 апрель куни бўлиб ўтган брифингда маълум қилди.
«Куни кечадан бошлаб Ўзбекистон ҳудудида юк автомобилларига бўлган чекловлар тўлиқ олиб ташланди. Демак, ҳамма тадбиркорлар, корхоналарнинг бир-бирига юк юбориш имконияти кечаги кундан бошлаб тўлиқ эркинлаштирилди. Ҳеч қандай муаммо йўқ.
Тадбиркорларимиз кўплаб мурожаатлар билан чиқишяпти. Уларнинг аксарият машиналари шахсий, шахсий машинага эса рухсат йўқ, фақат ташкилотларнинг машиналарига стикер бериляпти. Шу нуқтаи назардан бу масала бўйича ҳам бир-икки кун ичида бош вазиримиз раҳбарлигидаги комиссиянинг қарори чиқади, буни ҳам енгиллаштирамиз», — деди Жамшид Қўчқоров.
Мавзуга доир: Ўзбекистонда такси лицензиясига эга автомобилларга «доставка» учун стикер талаб этилмайдиган бўлди
Изоҳ (0)