Internetda AQSh hududidagi ulkan omborda joylashgan avtomobillar kolleksiyasining videosi paydo bo‘ldi. Ombor manzili va uning egasi kim ekanligi sir saqlanmoqda. Biroq garajlardan biriga AMMO NYC firmasi kirishga muvaffaq bo‘lib, 300 dan ortiq noyob avtomobillarni tasvirga oldi.
Mashinalar 30 yildan buyon bir joyda turibdi. Ayrimlari o‘ziga xos tarixga ega: masalan, Porsche 911, Lamborghini LM002 va Ferrari 308 taxminlarga ko‘ra, Gollivud aktyori Nikolas Keyjga tegishli bo‘lgan. Yana bir Morgan modelini 1986-yili ekran yuzini ko‘rgan “Ferris Byullerning dam olish kuni” komediyasida uchratish mumkin. Shuningdek, garajdan qiymati million dollar turadigan Bizzarrini P538 ham o‘rin olgan.
Videoda Rolls-Royce, Ferrari, Lamborghini va Porsche’ning boshqa avtomobillarini ham ko‘rish mumkin, biroq hali ularni o‘rganib chiqish talab etiladi. Garajdan turli davrlarga oid modellar, eski xotrodlar, skuterlar va poyga mashinalari ham o‘rin olgan.
AMMO NYC kolleksiyani o‘rganishda davom etmoqda, shundan keyin mashinalar kimoshdi savdosiga qo‘yilishi mumkin.
Izoh (0)