«Оскар» мукофоти совриндорларидан бири Натали Портман изоляция вақтида актёрлик маҳоратидан онлайн-дарс ўтмоқда. Harper’s Bazaar’нинг ёзишича, бунинг учун актриса MasterClass платформасидан фойдаланмоқда.
Икки дақиқалик тақдимотда Натали бўлажак актёрларни эркин бўлиш, хато қилиш ва янгиликларга қўл уришга қўрқмасликка чақириб, актёрлик бу тасаввур билан ишлаш эканини қўшимча қилган. Курсда иштирок этиш нархи 90 долларни ташкил қилади.
«Мен анъанавий актёрлик мактабида ўқимаганман, ҳамма нарсани рол ижро этиш давомида ўрганганман», — деган Натали.
Портман гапларининг исботи сифатида ижросидаги ролдан мисол келтиради. Унда йигитининг хиёнати ҳақида билган аёл, унинг квартирасига кириб келиш саҳнаси акс этади. Ушбу эпизод билан Натали бундай вазиятда қаҳрамон эмоцияларини очиб бериш учун камерага яқин келиш кераклигини тушунтиради.
«Суратга олиш — ҳамиша ёқимли, ва креатив жараён. Хато қилишдан қўрқманг. Сизнинг вазифангиз кимнингдир ҳаётини кўрсатиб бериш», — деган актриса.
Изоҳ (0)