Давоми: Ёдгор Саъдиев «Шайтанат»нинг якунловчи қисми қачон ва қаерда намойиш этилишига аниқлик киритди
Ўзбекистон халқ ёзувчиси Тоҳир Маликнинг «Шайтанат» асари ўтган асрнинг 90 йилларида дунё юзини кўрган ва ўн беш йилдан ортиқ вақт мобайнида жами бешта китоб миллионлаб нусхада чоп этилган эди.
Ёдгор Саъдиев раҳбарлигидаги «Қалқон» студияси томонидан ишланган «Шайтанат» сериали намойиши бошланганидан сўнг кўп ўтмай тўхтаб қолган ва бунинг сабаби расман изоҳланмаган эди. Сериал 20 йил давомида телевидениеда қўйилмаганди.
Сериалнинг 20 та қисмини YouTube’дан топиш мумкин. Унинг 21-қисми узоқ йиллар аввал суратга олинган, аммо шу вақтгача ҳеч қаерда намойиш этилмаган.
2016 йилда берган интервьюсида Ёдгор Саъдиев турмуш ўртоғининг руҳини шод этиш учун 21-қисм устидаги ишларни якунлаб қўймоқчи эканлигини айтганди.
«Бундан бир неча йил илгари ‘Шайтанатънинг 21-қисмини суратга олиб қўйгандик, монтаж қилинмаганди. Турмуш ўртоғим ‘Шуни охирига етказинғ, деб ўзи ҳам кўрмай кетди. Ҳозир унинг шу илтимосини бажаряпман. Монтаж тугади, энди овозлаштириш ишларини ниҳоясига етказсак, унинг илтимосларидан бирини бажарган, руҳини шод қилган бўламан», — деганди Ёдгор Саъдиев.
2019 йилда берган интервьюсида Ёдгор Саъдиев 21-қисм якуний қисм бўлишини айтганди.
«Мен ўзимча шу билан ‘Шайтанат’ сериалини тугатдим. Мен буёғига қадам ҳам босмайман, чунки Тоҳир аканинг ҳам сўзини олганман. Шу билан тугатаман десам, ‘Яхши қилибсиз’, дедилар», — деганди Ёдгор Саъдиев.
«Шайтанат»нинг 21-қисми нима учун Zo‘r TV’да намойиш этилмаганига тезкор жавоб олишнинг имкони бўлмади.
Изоҳ (0)