Канн кинофестивали 12-23 май кунлари бўлиб ўтиши керак эди, аммо карантин сабаб вақтинчалик қолдирилди. Ташкилотчилар фестивални июнь охирида бошланиб, июль ойининг ўрталарига қадар давом этишини тахмин қилганди, деб ёзади Harper’s Bazaar.
Таъкидланишича, кинофестиваль раҳбари Терри Фремо фестивалнинг онлайн ўказилишига қарши. Унинг фикрича, Канннинг ўзига хослиги жонли форматда ўтказилишида бўлиб, масофадан туриб томоша қилиш фильмларнинг «қароқчи» оқимини қўзғатишга сабабчи бўлади.
13 апрель куни Франция президенти Эммануэль Maкрoн карантинни 11 майга қадар чўзилишини маълум қилган. Ўз нутқида Maкрoн, оммавий бўлган ҳар қандай байрам ва тадбирларни июль ойининг ўртасига қадар ўтказиш тақиқланишини билдирган.
Аввалроқ ташкилотчилар кинофестиваль вақтини июль охири ёки августга ўтказиш қийинчиликлар келтириб чиқаришини таъкидлаганди. Ёзда фестиваль учун бутун дунёдан туристлар ташриф буюришни бошлайди. Бундай шароитда эса фильм намойишини ўтказиш осон бўлмайди.
Фестиваль раҳбариятининг таъкидлашича, кинонамойиш санаси ҳукумат идоралари, шу жумладан, Соғлиқни сақлаш вазирлиги ҳамда Канн шаҳар кенгаши билан келишиб белгиланади. Шу боис Канн фестивали билан нима бўлиши ташкилотчиларга ҳам маълум эмас.
Изоҳ (0)