Бир неча ҳафта аввал режиссёр Сарвар Каримов «Milliy TV» у суратга олган «Сарвқомат дилбарим» фильмидаги бир неча саҳналар ва титрларни кесиб ташлагани учун телеканални судга бермоқчи эканлигини маълум қилганди. Сарвар Каримов «Дарё» мухбири Миролим Исажонов билан суҳбатда карантин туфайли телеканални судга бериш кейинроққа қолдирилганини айтди.
Наврўз байрами арафасида телеканал ижодкорлари фильмдаги бир қанча кадрларни кесиб ташлаган ҳолда уни томошабинларга тақдим қилишди. Биринчиси, фильм қаҳрамонлари — Илёс ва Асалнинг Иссиқкўл бўйидаги бўса саҳнаси бўлса, иккинчиси айнан шу саҳнадаги кийик образини ҳам олиб ташлашган. Кийик иштироки жуда муҳим ва унинг замирида катта маъно бор эди. Бундан ташқари, Илёснинг «Илҳом» театрида фойе бўйлаб юриш саҳнасини ҳам олиб ташлашган. Энг алам қиладигани, фильм охиридаги титрни тўлиқ кесишган, яъни меҳнат қилган ижодий жамоа аъзоларининг исм-фамилияси ва бошқа маълумотлар кўрсатилмаган. Ҳеч бўлмаса, ўша титрни тезлаштириб ўтказса ҳам бўларди.Ижодкорнинг қилган меҳнатини қадрлаш керак. Эфирга тўғри келмайдиган саҳналари бўлса, умуман намойиш этмаслиги лозим эди. Ҳеч ким уларнинг олдига бориб, кинони эфирга беришларини сўраб илтимос қилмаган.
Сарвар Каримов, режиссёр
Мавзуга доир: «Сарвқомат дилбарим» фильмида Адиз Ражабов иштирокидаги ўпишиш саҳнаси қандай суратга олинган? (видео)
У ердаги ижодкорларнинг кўпчилиги мени танийди, телефон рақамимни билишарди. Қўнғироқ орқали вазиятни айтиб, бир оғиз рухсат сўрашса, маслаҳатлашса бўларди. Фильмни хоҳлаган жойидан ўзидан ўзи кесиб ташлашмайди-ку. «Ўзбеккино» миллий агентлиги шу фильмни рухсат бериб чиқарганидан кейин уни ҳеч бир телеканал ўзича кесиб ташлашга ҳақли эмас. Кинога фақат шу ташкилот жавоб бериши керак.Маълумот учун, «Сарвқомат дилбарим» фильми таниқли адиб Чингиз Айтматов таваллудининг 90 йиллиги муносабати билан тасвирга олинган. Ўзбекистонлик ва қирғизистонлик киноижодкорларни бирлаштирган мазкур картина Таиланд, Россия, Туркия, Қирғизистон каби мамлакатлар кинотеатрларида намойиш этилган ҳамда бир қатор халқаро фестиваль ва танловларда қатнашган.Бу ҳолат бўйича Facebook’даги саҳифамга пост жойлаганимдан кейин ҳам «Milliy TV»нинг бирор вакили қўнғироқ қилиб, бир оғиз гап ҳам айтмади. Ҳақиқатан мен телеканални судга бермоқчи эдим. Ҳатто адвокат билан ҳам гаплашгандим. Аммо карантин туфайли кейинроққа қолдирилди.
«Сарвқомат дилбарим» «Milliy TV»да намойиш қилингач, «Sevimli» ва «MY5» телеканаллари ҳам мазкур фильмимни эфирга беришди. Лекин улар ҳеч қаерини кесишмай, тўлиқлигича томошабинлар эътиборига ҳавола этди.
Сарвар Каримов, режиссёр
Изоҳ (0)