Кореянинг 2018 йилда суратга олинган ҳамда Netflix платформасида намойиш этилган «Териус менинг орқамда» деб номланган сериалида коронавирус тарқалиши прогноз қилингани аниқланди, деб ёзади The Independent.
Коронавирус ҳақида сериалнинг ўнинчи қисмида сўз боради. Касалликнинг инкубацион даври икки кундан икки ҳафтагача давом этиши, вирус нафас олиш тизимини ишдан чиқариши, ҳозирга қадар ушбу касалликка қарши вакцина ихтиро қилинмагани айтилади.
Сериалда вирус SARS вируси билан таққосланади, унинг «биокимёвий террористик ҳужум» мақсадида яратилгани, у кўпроқ инсонларга юқиши учун сунъий модификация қилингани таъкидланади.
Касаллик беш дақиқа ичида бемор билан алоқа қилинганида юқиши, ундан ўлим даражаси 90 фоизга етиши ҳам прогноз қилинган. Сериалда катталар вирус тарқалишидан қўрқиб, болаларга қўлни тўғри ювишни ўргатади.
Март ойида қарийб ўн йил аввал суратга олинган «Эпидемия» (Contagion) фильмидаги воқеалар ҳозирги пандемия даврини эслатгани учун у интернетда энг кўп томоша қилинган фильмга айланган эди.
Изоҳ (0)