2020 йилнинг 14 апрель куни Ўзбекистон Республикасининг Озарбайжон Республикасидаги фавқулодда ва мухтор элчиси этиб тайинланган Баҳром Ашрафхонов Тошкент шаҳридан Боку шаҳрига етиб борди. Бу ҳақда Ташқи ишлар вазирлиги хабар берди.
Ашрафхонов бунга қадар Молия вазирлиги ҳузуридаги Бюджетдан ташқари пенсия жамғармаси ижрочи директори лавозимида ишлаб келаётганди.
Баҳром Ашрафхонов 1969 йилда туғилган. 1990 йилда Тошкент политехника институтини, 1993 йилда Тошкент давлат иқтисодиёт университети ва 1994 йилда АҚШдаги Кентукки университетини тамомлаган.
У 2016—2018 йилларда Ўзбекистоннинг Россиядаги фавқулодда ва мухтор элчиси, 2018 йил сентябрь ойидан 2019 йил февралигача «Ўзбекнефтгаз» компанияси бошқарув кенгаши раиси вазифасини бажарувчи, 2019 йилнинг февраль ойидан сентябрга қадар молия вазирининг ижтимоий масалалар бўйича ўринбосари лавозимида фаолият олиб борган.
Изоҳ (0)