Тошкент вилояти ИИББ ахборот хизмати Янгийўл шаҳрида тунда милтиқ кўтариб юрган ва дайди итларни отаётган шахслар ҳақида тарқалган хабарга муносабат билдирди.
Хабарга кўра, мазкур ҳолат юзасидан Тошкент вилояти ИИББ ЖҚБ ва Янгийўл шаҳар ИИБ ЖҚБ ходимлари томонидан олиб борилган тезкор суриштирув ишлари давомида ушбу нотаниш кишиларнинг шахси аниқланди.
Улар Янгийўл шаҳар Наврўз даҳасида яшовчи 1976 йилда Д.С., 1982 йилда туғилган А.Х. ва 1983 йилда туғилган А.К. эканлиги аниқланган. «Овчилар»дан 2 дона спорт пневматик (тир) милтиғи ҳужжатлари билан далилий ашё сифатида расмийлаштириб олинган.
Шунингдек, улар суҳбат жараёнида ўзларига тегишли бўлган спорт пневматик (тир) милтиқларини Тошкент шаҳридаги «Динамо» спорт дўконидан ҳужжатлар асосида расмийлаштириб олганлигини ва карантин даврида ёш болалари уйда бўлганлиги сабабли хавфсизлик юзасидан ушбу қуролларни таниши «Улуғбек» исмли шахснинг уйига олиб кетаётганлигини ва жониворларга қарата ўқ отмаганлигини маълум қилган.
Ҳозирда мазкур ҳолат юзасидан Янгийўл тумани ИИБ томонидан тезкор суриштирув ишлари олиб борилмоқда. Батафсил маълумот берилади, дейилган Тошкент вилояти ИИББ ахборот хизматининг хабарида.
Мавзуга доир:
Изоҳ (0)