Ҳиндистоннинг энг бадавлат 10 актёри

10. Ранвир Сингх

Ранвир Сингх ўзининг илк муваффақиятини ўн йил аввал қўлга киритган. Ўшанда продюсерлар унинг анкетасини кўриб чиққан ҳамда «Тўй тантанаси» фильмига таклиф қилган эди. Шундан сўнг унга омад кулиб боқди. Актёр «Рам ва Лила», «Бажирао Мастани» ва «Падмавати» каби фильмлардан сўнг шуҳрат қозонган. Ранвир актриса Дипика Падуконе билан турмуш қурган.

9. Приянка Чопра (Жонас)

Болливуднинг энг гўзал актрисаларидан бири Приянка Чопра Жонас «Дон»,«Криш» ва «Ганга сувлари» фильмларидаги образлари билан машҳурликка эришган. Приянка 2021 йилда Голливуд актёри Киану Ривз билан биргаликда «Матрица» фильмида суратга тушади.

Даромади: 196 крор ёки 24 миллион доллар

8. Анушка Шарма

Анушка Шарма Шоҳруҳ Хон билан «Тангри яратган жуфтлик» ҳамда Амир Хон билан «Пи Кей» фильмларида суратга тушганидан сўнг машҳур бўлиб кетган.

7. Айшвария Рай Баччан

Айшвария нафақат Болливудда, балки бутун дунёда шуҳрат қозонган. «Девдас», «Севишганлар», «Пушти пантера» каби фильмлардаги иштироки унга оламшумул машҳурлик олиб келган.

6. Ранбир Капур

Капурларнинг сулоласининг муносиб давомчиси. Унинг «Ғаройиб ошиқ» фильмидаги образи томошабинлар эътиборини қозонган. Ранбир Катрина Каиф ва Сонам Капур билан бир неча фильмларда суратга тушган.

5. Акшай Кумар

Болливуддаги энг талаб юқори болган актёрлардан бири Акшай Кумар ўзининг илк ролини 1991 йилда «Қасам» фильмида ижро этган. Шундан сўнг омад ўз-ўзидан унинг ортидан қувиб юрган.

4. Амир Хон

Амир Хонга Жуҳи Чавла билан севишганлар ролини ижро этган «Ҳукм» фильми омад келтирган. Амир ва Жуҳи ҳинд киносидаги энг чиройли жуфтликлардан бири ҳисобланади. Улар биргаликда 7 та фильмда суратга тушган. Амир Хон иштирокидаги «Жоним фидо», «Гажини», «Дангал» фильмлари ўзбек томошабинларига яхши таниш.

3. Салмон Хон

Салмон Хон нафақат яхши актёр, балки урушқоқ, интизомсиз, жаҳлдор инсон сифатида ҳам машҳур. У ўз феъл-атвори туфайли кўпинча зиддиятлар марказида қолади. Унинг иштирокидаги «Бажранги оға» фильми Болливуддаги энг яхши картиналардан бири сифатида эътироф этилади.

2. Амитабҳ Баччан

Ҳинд киносининг ҳақиқий маънодаги афсонаси Амитабҳ Баччанга ортиқча таъриф керак эмас.  У суратга тушган фильмларнинг деярли барчаси томошабинлар томонидан илиқ кутиб олинади. «Боғбон» ҳамда «Гоҳи шодлик, гоҳи ғам» фильмлари, айниқса, ўзбек томошабинларига манзур бўлган.

Даромади: 3360 крор ёки 439 миллион доллар

1. Шоҳруҳ Хон

Болливуд қироли Шоҳруҳ Хон нафақат яхши актёр, балки ҳавас қилгулик оиланинг муносиб бошлиғи, севимли ёр ва севимли ота ҳамдир. У турмуш ўртоғи Гаури Хон билан бирга уч нафар фарзандни тарбияламоқда.

Даромади: 5250 крор ёки 687 миллион доллар.