«Тахтлар ўйини» сериалидаги Тормунд роли билан машҳурликка эришган норвегиялик актёр Кристофер Хивью коронавирусдан тузалди. Бу ҳақда акёр Instagram’даги саҳифасида ёзди.
«Биз коронавирусдан тўлиқ соғайдик. Мендан сўнг хотиним ҳам коронавирусни юқтирган эди. Карантиндаги ва изоляциядаги бир неча ҳафтадан сўнг биз ўзимизни яхши ҳис этяпмиз. Касалликнинг аломатлари умуман кузатилмаяпти», — деб ёзади Кристофер Хивью.
https://www.instagram.com/p/B-7zY7VhzAz/
Актёрнинг қўшимча қилишича, касаллик ўзи ва рафиқасида енгил ўтган.
41 ёшли Кристофер Хивью ўз фолловерларини қўлни тез-тез ювишга ва оила аъзолари ҳақида ғамхўрлик қилишга чақирди.
Эслатиб ўтамиз, Кристофер Хивьюда 18 март куни коронавирус аниқланган эди. Шунингдек, «Тахтлар ўйини»нинг яна бир юлдузи Эллари Санд ролини ижро этган британиялик актриса Индира Вармада ҳам коронавирус аниқланган.
Мавзуга доир: Коронавирус юқтириб олган машҳурлар (фото)
Изоҳ (0)